AUDIOBISUALAK LOGROÑON

PREENTREGA

ZINTEKIN JOLASTEN

Muntai hauek, zinten erabilerak, mugara eramanda eman dezaketen emaitza estetikora gerturatzera lagundu digute, bai eraikinen eraketetan, eta baita fatxaden itxuran ere. Zinta ezberdinen bitartez, hutsa eta betearen arteko erlazio zuzenaren bilaketarekin batera eratutako formak izango dira.

PROPOSAMENAREN MAKETA

Alde zaharreko hutsuneak antolatzeko, audiobisualen mundua erreferentziatzat hartuta, zirkuituz baliatu gara. Zinta ezberdinek errepresantuko duten zirkuitu hoien bitartez, lotura bat lortuko da hutsune ezberdinen artean, gune osoan bateratasun bat lortuz eta hutsa eta betearen arteko jolasari hasiera emango zaio. Honek, audobisualen munduak behar duen dinamismoa emango dio guneari.

ARTE SAKRO MUSEOA

Proiektuaren azken emate honetarako, aurretiaz egindako lanaren analisi bat egin dugu eta horretatik habiatuz egokiak iruditu zaizkigun moldaketak eta garapenak egin ditugu.
Hala, orube osoa antolatzeko genuen asmoan mugen arazoarekin topo egin dugu, izan ere, proiektuaren orubearen muga ez dago zehaztuta, eta beraz azalera posible minimotik (aztarnen ingurua solik) azalera posible maximora (aztarnen ingurua+parkea+ibaiaren bestaldea+hiriaren zati bat...) mugatu daiteke, bakoitzaren arabera. Gure kasuan, parkearen orube zabala landu beharrean aztarnen orubearen ingurura mugatu gara.Honetarako, arte sakroa egiten zen garaiko Logroño hiriaren abstrakzio bat egin dugu.

Lehen hiri barnean arte sakroa kokatzen zen gune berean (komentua) kokatzen da gaur egun ere (museoa), lehen hiriaren muga markatzen zuen harresiaren abstrakzioa ere sortu da, hiria eta parkea mugatuko dituena eta azkenik, lehengo soro eta nekazal lurren abstrakzioaz parkea sortu da, lorategi botaniko baten gisara planteatua, gune eta funtzio ezberdinekin.
















Eraikinari dagokionez, kokatzen den orubeko beste eraikinei eta aztarnei moldatzen da, alde batera edo bestera tolestuz, planoan ikusten den bezala, beso ezberdinez osatuta dago, eta bakoitzak arte sakroaren arlo ezberdin bat hartzen du.









































Altuerekin ere jolasten da, gune bakoitzari bere garrantzia emanez batetik, eta aztarnen behatzeko atalaia gisa bestetik.









































Materialei dagokienez, egitura aldetik hormigoi armatuzko hormak erabili ditugu besoetan eta, estalkiak egiteko, baho handiak estaltzeko beharrizanagatik altzairuzko zertxak erabiltzea pentsatu dugu. Errepide eta ezpaloiaren pasorako hormigoi harmatuzko habe handiak erabili ditugu bestetik. Azkenik eraikin osoa txapa beltzez estaltzea erabaki dugu.
















Museoaren funtzionaltasuna kontuan hartuta, eta sarrera eta irteera ugari dituenez, museoa ixteko harresiaren abstrakzio elementua erabili dugu. Hala, museoa zabalik dagoen bitartean, harresiko ateak itxita mantenduko dira, eta museoa ixtean ate hauek zabalduko dira. Hau dela eta, museo orube barneko parkeak erabilera nokturnoa izango du batez ere. Horregatik, iluminazio artifiziala oso garrantzitsua izango da nahiz eta iluminazoaren kontua garatu barik utzi dugun, denbora falta dela eta. Hala eta guztiz ere, ekintza nokturnoak sustatzeko gune apropos bezala, antzoki txiki bat jarri dugu, non espektakulo ezberdinak egin daitezkeen

A1 PANELA

ITXITURA

Itxitura egiteko, tabernetan egon ohi diren plastikozko portamenuak erabili ditugu, itxitura garden bat lortuz. Piezen eta itxituraren definizioa ondorengo argazkitan azaltzen da.

PROIEKTUAREN IDEIAK ETA PLANOAK

STOP MOTION

Universitarios del milenio lehiaketarako, hezkuntzari buruzko bideo bat egin behar genuen, klasekide batzuk. Lacasitoen bitartez, argazkiak erabiliz, animazio bat eratzea pentsatu genuen. Bideoan, hezkuntzaren bitartez, munduko aukera desberdintasunak, zelan berdintzen diren adierazten da.

Maketaren egitura amaitu dugu

Azkenik, egitura osoa muntatu ondoren, zuriz margotu dugu maketa. honenbestez, bukatutzat eman dugu eta ondorengoa izan da emaitza. Hemendik aurrera, egitura honentzako itxitura pentsatzea izango da gure ardura.

HELBURUAK

-Elementu edo estrategia berdin eta bakar batekin orube guztiak antolatzea

-Hiriaren eta parkearen arteko lotunea bilatu, bien arteko harremana sustatuz

-Aztarnak ikusteko gune egokiak eratzea

MAKETA AURRERA DOA

Azkenean, lortu dugu material bat aukeratzea. Alanbrea erabili dugu berriro ere, baina orain, soldatu egin dugu, lotura gogorragoak lortzeko. Alanbreek eskalan behar zuten lodiera emateko, tutuz forratu ditugu. Denbora askoz material ezberdinak frogatu eta gero, azkenik, lortu dugu, gure maketarekin bat zetorren materiala.

MAKETAREN FROGA

Maketaren froga egin baino lehen, material onenaren bilaketan jardun gara, sekzio hau egiteko, alanbre lodia erabili dugu, baina azkenengo maketa, minbrez egitea pentsatuta daukagu.

EGITURA AZTARNEN GAINEAN

Aztarnen gainean proiektatu behar zen eraikina proiektatzeko, arintasunaren bila hainbat froga egin eta gero, egokiena, egitura metaliko bat erabiltzea zela erabaki genuen, hau barra askoz eratua egongo zen, eta eskeman ikusten den moduan, atzean, itzaletan geldituko ziren zutabez eutsia zegoen.

LOGROÑOKO PROPOSAMENA

Aurreko sarreran azaldu bezala, gure asmoa, hiria eta parkea, lotzea zen, baina honekin batera, hiria, gazteei hurbilduz. horretarako, ardoaren kultura, bertako kultura erabiltzea pentsatu dugu, gazteek, hurbilagotik ezagutu dezaten. horretarako alde zaharrean, ardoari erreferentzia egiten dioten elementu ezberdinak sartu ditugu eta baita ardoarekin lotutako ekintzak, eraikinak...

PIANO STAIRS

Logroñoren inguruan egin dugun lana, iragarki honen ideia berean oinarritua dago. bertako jendeari galdetuz, antzeman genuen, alde zaharraren arazoa konpontzeko bertara gazteria eraman behar zela, eta parkearen eta hiriaren arteko lotura egin behar zela. Horretarako, bideo honen ideia berdina garatu dugu, jendea erakarriko duen elementu berritzaileak sartuz. jendearen arreta deitzeko ezohiko elementu erakargarriak sartzea izan zen gure ideia.

AURKEZPENA

Nire ustez, proiektuen ikasgaia, ditugun ikasgai guztien lotura eratzen duen ikasgaia da. Arkitektura ikasle gehienei, jakinmina piztea lortzen duen ikasgaia.

Horregatik, uste dut, ikasgai dinamikoa izan behar dela, gai desberdin asko jorratzen dituena. 4. mailan egotegatik, uste dut baditugula arkitekturari buruzko nozio basiko gehienak. Horregatik, pentsatzen dut ez dela gai konkretu batean arreta gehiegirik jarri behar eta ikasle bakoitzak, ikasgaia gustokoen duen arlora eraman ahal izatea interesgarria izango litzatekeela.

Zuzenketak egiteko modua, eztabaida gaia izan ohi da. Nire ustez, interesgarria da, proiektuak, klasean erakustea, guztiontzat interesgarriak diren zuzenketak egiten direlako. Baina hala ere ikasle asko gara irakasle bakoitzeko eta ez da denborarik egoten proiektu guztiak erakusteko, behintzat, beharrezko diren aldi guztietan. Beraz, praktikoago ikusten dut proiektuak indibidualki erakustea, nahiz eta noizbehinka salbuespenen bat egin daitekeen.